"Ливерпуль" марказий ҳимоячиси Виржил ван Дейк "Реал" билан бўлажак ўйиндан олдинги фикрлари билан ўртоқлашди. Чоршанба куни бўлиб ўтадиган Чемпионлар лигасининг умумий босқич учрашувида "қизиллар" ўз уйида "қаймоқранглилар"ни қабул қилади.

"Тўғрисини айтсам, ўйинга тайёр бўлишим учун қасос керак эмас. Бу Чемпионлар Лигаси, нейтрал томошабин учун ажойиб ўйин. Биз майдонда устунлик қилишни ва ғалаба қозонишни истаймиз.

Мен ҳеч қачон "Реал"ни мағлуб эта олмаганман. Қарама-қаршилик тарихимиз биз учун яхшимас кўринади, аммо биз бўлажак ўйинга тайёр бўлишимиз керак", - деди ўйин олдидан “Ливерпуль” сардори.