"Аталанта" бош мураббийи Жан-Пьеро Гасперини Чемпионлар лигасининг 5-тури доирасидаги "Янг Бойз" устидан қозонилган ғалаба (6:1) ҳақида фикр билдирди.

“Биз бу ўйинга катта масъулият билан ёндашдик. “Интер” бу ерда қийин дамларни ўтказди ва биз ўзимизни хотиржам ҳис қила олмадик, чунки олдинда “Реал” ва “Барселона”га қарши ўйинлар бор эди.

Агар бугун ғалаба қозона олмаганимизда ҳаммаси сўнгги турда "Штурм"га қарши ўйинда ҳал бўлиши мумкин эди. Шунинг учун биз бу ўйинга жуда жиддий ёндашдик", - дея Гасперинининг сўзларини келтиради УEФА матбуот хизмати.

“Аталанта” 11 очко жамғариб, турнир жадвалида 4-ўринга кўтарилиб олди. “Янг Бойз” кетма-кет бешинчи мағлубиятини қабул қилиб, сўнгги ўринни эгаллаб турибди.