Англиянинг собиқ ҳужумчиси Питер Крауч Эмилиано Мартинеснинг "Астон Вилла" таркибидаги ўйинидан ҳайратда қолди.
Аргентиналик дарвозабон Чемпионлар лигаси гуруҳ босқичининг 5-тури доирасидаги "Ювентус" билан ўйинда жамоасига дарвозани дахлсиз сақлашга ёрдам берди ва Крауч Мартинесни мақтади.
"Эмилиано Мартинес ҳақиқий характер. Менга унинг ўз жарима майдончасида буйруқ бериш ва кейин ажойиб сейвлар қилиш усули ёқади. Шу боис у икки йил кетма-кет дунёнинг энг яхши дарвозабони сифатида тан олинди", - деди Крауч BBC Sport билан суҳбатда.
Мартинес 2020 йилдан бери "Астон Вилла"да ўйнаб келмоқда.
