"Катта дубулға"нинг 22 карра ғолиби испаниялик Рафаэль Надаль оиласи билан "Манчестер Сити" футбол клуби академиясига ташриф буюрди. Суратлар теннисчининг ижтимоий тармоқлардаги саҳифасида чоп этилди.
Надаль "Манчестер Сити" бош мураббийи Пеп Гвардиола, шунингдек, футболчилар Эрлинг Холанд, Бернарду Силва ва Жек Грилиш билан учрашди.
Ўтган ҳафтада 38 ёшли Рафаэль Надаль профессионал фаолиятини якунлади. У ўзининг сўнгги ўйинида 2024 йилги "Дэвис кубоги" чорак финалида нидерландиялик теннисчи Ботик ван де Зандсхулпга 4:6, 4:6 ҳисобида имкониятни бой берди.
