"Челси" собиқ "Арсенал" ҳимоячисининг ўғли бўлган истеъдодли футболчини қўлга киритиш учун асосий даъвогар сифатида пайдо бўлди.

Бу ҳақда ТalkSPORT нашри хабар бермоқда.

Манба берган хабарга кўра, "кўклар" 2004 йилдан 2011 йилгача "канонирлар" шарафини ҳимоя қилган Эммануэль Эбуэнинг ўғли Матис Эбуэ трансфери бўйича "Уотфорд" билан музокара олиб бормоқда.

15 ёшли футболчи отасидан фарқли ўлароқ, ярим ҳимоячи сифатида ўйнайди. Аммо Матис Эбуэ Лондоннинг қизил томонида ўз номини қўлга киритган Эммануэлнинг изидан боришни хоҳлайди.

Ёшига қарамай, кичик Эбоэ "Уотфорд"нинг 21 ёшгача бўлган жамоасида ўйнайди.

У шунингдек, Англия U-16 терма жамоаси азоси ҳисобланади. Футболчи U16 Challenge Trophy финалида инглизлар Францияни мағлуб этган (1:0) ғалаба голини киритди.