"Chelsi" sobiq "Arsenal" himoyachisining o‘g‘li bo‘lgan iste’dodli futbolchini qo‘lga kiritish uchun asosiy da’vogar sifatida paydo bo‘ldi.

Bu haqda TalkSPORT nashri xabar bermoqda.

Manba bergan xabarga ko‘ra, "ko‘klar" 2004 yildan 2011 yilgacha "kanonirlar" sharafini himoya qilgan Emmanuel Ebuening o‘g‘li Matis Ebue transferi bo‘yicha "Uotford" bilan muzokara olib bormoqda.

15 yoshli futbolchi otasidan farqli o‘laroq, yarim himoyachi sifatida o‘ynaydi. Ammo Matis Ebue Londonning qizil tomonida o‘z nomini qo‘lga kiritgan Emmanuelning izidan borishni xohlaydi.

Yoshiga qaramay, kichik Eboe "Uotford"ning 21 yoshgacha bo‘lgan jamoasida o‘ynaydi.

U shuningdek, Angliya U-16 terma jamoasi azosi hisoblanadi. Futbolchi U16 Challenge Trophy finalida inglizlar Fransiyani mag‘lub etgan (1:0) g‘alaba golini kiritdi.