Чоршанба куни «Ливерпуль» Чемпионлар Лигаси доирасида «Реал Мадрид» устидан 2:0 ҳисобида ғалаба қозониб, ўз мухлисларини хурсанд қилди. Гол муаллифлари Алексис Макаллистер ва Коди Гакпо бўлишди.

Ўйин давомида Арне Слот Килиан Мбаппега қарши ўйинда ажойиб ҳаракат қилган ҳимоячи Конор Брэдлини алмаштиришга мажбур бўлди. Яна бир ҳимоячи Иброҳима Конате эса финал ҳуштагидан кейин оқсоқланиб қолди. Иккала футболчи ҳам АПЛ доирасида «Манчестер Сити»га қарши ўйинни ўтказиб юбориши мумкин.

«Улар қандай ҳолатда эканлигини айтиш биз учун қийин. Уларнинг аҳволи ҳозирча баҳоланмоқда. Келинг, кутамиз ва кўрамиз, лекин бундай вазиятлар ҳеч қачон яхши белги эмас», деди Слот журналистларга.

«Ливерпул» ва «Манчестер Сити» ўйини 1 декабрь, якшанба куни бўлиб ўтади.