Сешанба куни «Бавария» Чемпионлар лигасининг бешинчи турида «ПСЖ» устидан 1:0 ҳисобида ғалаба қозониб, мухлисларини хурсанд қилди. Ўйин давомида мюнхенликлар вингери Майкл Олисе захирадан майдонга тушди.
Олисе алмаштиришдан олдин оёқ учун ҳимоя қалқонларни киймади ва тўртинчи ҳакам «Бавария» футболчисидан ўзини тартибга солишни сўради. Шундан сўнг Майкл қалқонларни кийди, аммо майдонга чиқиш олдидан уларни улоқтириб юборди. «IFAB» қоидаларига кўра, майдондаги барча 22 нафар футболчи қалқонлар билан ўйнаши шарт. Ушбу қоидани бузганлик учун Олисе УЕФА томонидан жазоланиши мумкин, деб ёзмоқда «Goal» портали.
Таъкидлаш жоизки, замонавий оёқ қалқонлар кичик бўлиб, эҳтимол ўйинчиларни яхши ҳимоя қилмаслиги мумкин. Шу билан бирга, «IFAB» ҳимоя элементларининг ўлчамларини белгиламайди.
