"Реал Мадрид" якшанба куни бўлиб ўтадиган "Хетафе"га қарши Испания чемпионати ўйинига тайёргарлик кўрмоқда. У баҳсда Федерико Вальверде ярим ҳимоя чизиғига қайтиши кутилмоқда. Сўнгги икки ўйинда уругвайлик футболчи ўнг қанот ҳимоячиси позициясида майдонга тушди, чунки "қаймоқранглилар"да бу позицияда соғлом ўйинчилар йўқ эди. Лукас Васкес аллақачон тузалиб бўлган - "Ливерпуль"га қарши ўйинда у захирадан майдонга тушган.
Marca нашри хабарига кўра, Дани Себальос, Лука Модрич ва Жуд Беллингҳам "Хетафе"га қарши ўйинда "Реал" ярим ҳимоячиси Федерико Вальверде билан бирга бўлиши кутилмоқда.
Эслатиб ўтамиз, "Ливерпуль" билан ўйинда "Реал" ярим ҳимоячиси Эдуардо Камавинга жароҳат олган эди.
