"Манчестер Сити" сўнгги олтита ўйинда беш марта мағлуб бўлган ва бир марта дуранг қайд этган. Жамоа бош мураббийи Хосеп Гвардиола жамоада ишонч билан боғлиқ муаммолар борми, деган саволга жавоб берди.
"Ҳа, албатта. "Ишонч" тўғри сўзми-йўқми, билмайман, лекин динамика яхши бўлса, ҳамма нарса осон бўлади. Биз мавжуд вазиятни қабул қилишимиз керак. Мен бутун ҳаётим давомида яхши дамларда ҳам, ёмон дамларда ҳам олдинга ҳаракат қилишни ўргандим. Биз декабрнинг бошида "Энфилд"га борамиз, ҳали кўп ойлар бор. Бу вақт ичида жуда кўп яхши нарсалар содир бўлиши мумкин, улар учун ўйнаш керак. Йиқилганингдан кейин неча марта ўрнингдан турганинг муҳим," - деди Гвардиола журналистларга.
