"Manchester Siti" so‘nggi oltita o‘yinda besh marta mag‘lub bo‘lgan va bir marta durang qayd etgan. Jamoa bosh murabbiyi Xosep Gvardiola jamoada ishonch bilan bog‘liq muammolar bormi, degan savolga javob berdi.
"Ha, albatta. "Ishonch" to‘g‘ri so‘zmi-yo‘qmi, bilmayman, lekin dinamika yaxshi bo‘lsa, hamma narsa oson bo‘ladi. Biz mavjud vaziyatni qabul qilishimiz kerak. Men butun hayotim davomida yaxshi damlarda ham, yomon damlarda ham oldinga harakat qilishni o‘rgandim. Biz dekabrning boshida "Enfild"ga boramiz, hali ko‘p oylar bor. Bu vaqt ichida juda ko‘p yaxshi narsalar sodir bo‘lishi mumkin, ular uchun o‘ynash kerak. Yiqilganingdan keyin necha marta o‘rningdan turganing muhim," - dedi Gvardiola jurnalistlarga.
