"Ливерпуль" бош мураббийи Арне Слот жамоасининг якшанба куни "Манчестер Сити"га қарши ўйинни осон ўтказиши ҳақидаги фикрларга қўшилмаслигини айтиб ўтди.
"Энфилд"га сафар олдидан "Манчестер Сити" барча мусобақаларда кетма-кет олтита ўйинда ғалаба қозона олмади, жумладан, бешта мағлубият.
"Ҳамма ўз натижаларига қарайди. Мен ҳам уларни кўрдим. "Брайтон"га қарши ўйинда улар 1:0 ҳисобида олдинда эдилар ва ҳисобни 2:0 ёки 3:0 га етказишлари мумкин эди, аммо улар буни уддалай олишмади. Якунда 2:1 ҳисобида мағлуб бўлишди.
"Тоттенхэм"га қарши ўйинда улар 20-дақиқада икки ёки учта гол фарқи билан олдинга чиқишлари мумкин эди, аммо улар буни уддалай олишмади. "Фейеноорд"га қарши ўйинда тез-тез содир бўлмайдиган нарса содир бўлди. Улар 3:0 ҳисобида олдинда бўлишди, кейин эса бирдан учта гол ўтказиб юборишди.
Ҳозир Гвардиоланинг муаммоси Родрининг йўқлиги бўлиши мумкин, аммо биз ҳаммамиз биламизки, у ўз формасини яхшилаш учун ечим топади. Умид қиламанки, у буни якшанба кунидан кейин топади.
Лекин якшанба куни бизни осон ўйин кутмаяпти", - деди Слот Sky Sports билан суҳбатда.
