Николо Фаджоли январь ойида "Марсель"га ўтиши мумкин.
La Gazzetta dello Sport хабарига кўра, "Ювентус" ярим ҳимоячини январдаги трансфер ойнасида сотишга тайёр.
Футболчи ўйин вақтининг қисқарганидан унчалик мамнун эмас, бу унинг Италия терма жамоасига чақирувига ҳам таъсир қилмоқда. Охирги халқаро танаффусда терма жамоага киритилмаганида буни яхши қабул қилмади. Тикиш иши туфайли дисквалификация қилинганидан сўнг, италиялик футболчи бор эътиборини майдондаги ўйинларига қаратиш ниятида.
Ўз тарбияланувчисини сотиш "Ювентус"га молиявий томондан фойдали бўлади. Клуб Фажиолини 25-30 миллион еврога баҳолайди ва фақат доимий трансферни кўриб чиқади.
Айни дамда футболчини сотиб олишга энг яқини "Марсель". Бош мураббий Роберто Де Зерби Фажоли ҳақида ижобий баҳо бермоқда, Николонинг собиқ жамоадоши Адриен Рабьо ҳам француз клубида ўйнайди.
Айни пайтда ярим ҳимоячига бошқа клублар ҳам қизиқиш билдирмоқда. Гап Англиянинг бир қанча жамоалари, шунингдек, бир неча ойдан бери вазиятни кузатиб келаётган "ПСЖ" ва "Наполи" ҳақида кетмоқда.
