"Реал" бош мураббийи Карло Анчелотти ҳужумчилар Винисиус Жуниор ва Килиан Мбаппенинг позициялари ҳақида гапирди. Аввалроқ, матбуот франциялик ҳужумчи олдинда эмас, балки чап қанотда ўйнашни хоҳлаётгани ҳақида ёзган эди.
"Менимча, Мбаппе чап қанотда ўйнашга кўпроқ ўрганиб қолган ва Винисиус ўртада жуда хавфли эканлигини тушунади. Мен нима қилишимни билмайман, лекин улар ўзгариши мумкинлигини билишади" - деди Анчелотти матбуот анжуманида.
Эслатиб ўтамиз, Винисиус ҳозирда жароҳат олган. 1 декабр, якшанба куни “Реал” Испания чемпионати доирасидаги уй учрашувини “Хетафе”га қарши ўтказади.
