"Бавария" бош мураббийи Венсан Компани ҳужумчи Харри Кейннинг жамоа учун аҳамияти ҳақида гапирди.
Англиялик футболчи Бундеслиганинг шанба куни Дортмунднинг "Боруссия"сига қарши ўйинда (1:1) жароҳат олганди.
Ўйиннинг 33-дақиқасида ҳужумчини алмаштиришга тўғри келди.
"Харрининг гол уриш қобилиятини ҳисобга олсак, унинг ўрнини тўлдириш қийин, аммо биз бошиданоқ жамоамизга ишониш ҳақида гапирган эдик.
Иккинчи бўлимда биз кўплаб вазиятлар ярата олдик. Жамоа ҳужумда жуда яхши ўйнайди. Кейнни алмаштириш қийин, аммо ўзимиздаги ўйинчиларни танлаш билан биз бу муаммони бошқача ҳал қилишимиз мумкин", - дея Компанининг сўзларини келтиради Bayern & Germany.
