"Ливерпуль" 21 ёшли Венгрия терма жамоаси ва "Борнмут" чап қанот ҳимоячиси Милош Керкезга қизиқиш билдирмоқда. Бу ҳақда Caught Offside хабар бермоқда.
Манбага кўра, Керкезга "Манчестер Юнайтед" ҳам фаол қизиқиш билдирмоқда, чунки ҳимоячи "қизил иблислар"нинг янги бош мураббийи Рубен Аморимнинг ўйин услубига мос келади. Таъкидланишича, "Борнмут" 21 ёшли футболчи учун камида 40 миллион фунт (48 миллион евро) талаб қилиши мумкин.
Жорий мавсумда Керкез барча турнирларда 13 та учрашувда қатнашиб, битта гол ва 3 та голли узатмага муаллифлик қилган. Футболчининг клуб билан амалдаги шартномаси 2028 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 20 миллион еврони ташкил қилади.
