Якшанба куни "Манчестер Сити" сафарда "Ливерпуль"га 0:2 ҳисобида имкониятни бой берди. Натижада "шаҳарликлар"нинг барча мусобақалардаги ғалабасиз серияси етти ўйинга етди (битта дуранг ва олтита мағлубият).
City Xtra хабарига кўра, "Манчестер Сити" охирги марта 7 ўйиндан иборат ғалабасиз серияни 20 йилдан кўпроқ олдин - 2004 йилнинг апрелида қайд эиган. Ўшанда "шаҳарликлар"нинг бош мураббийи Кевин Киган бўлган, БААнинг бой хўжайинлари эса клубни ҳали сотиб олмаган эди.
Энди "Манчестер Сити" "Ноттингем Форест"га қарши Англия чемпионатининг уй учрашувига тайёргарлик кўради. Ўйин 4 декабрь, чоршанба куни бўлиб ўтади.
