«Челси»нинг 23 ёшли вингери Михаил Мудрик 2024 йилнинг қишида Лондон клубини тарк этиши мумкин, деб хабар беради «The Sun».
Портал хабарига кўра, «кўклар» қишда Мудрикни трансфер қилишга рози, чунки унга таклифлар кўп. Премьер-лиганинг икки жамоаси украиналикни ўз сафига қўшиб олишга тайёр - Чемпионлар лигасида ўйнайдиган «Астон Вилла» ва Лондоннинг «Вест Хэм» клублари. Қолаверса, Франциянинг «Марсель» клубидан ҳам қизиқиш сақланиб қолмоқда. «Челси» Мудрик билан 35 миллион евро эвазига хайрлашишга тайёр.
Жорий мавсумда Мудрик «Челси» сафида барча турнирларда 16 та ўйин ўтказиб, 3 та гол ва 4 та голли узатмани амалга оширди. Михаил 2023 йилнинг январида Лондон клубига ўтган эди.
