«Chelsi»ning 23 yoshli vingeri Mixail Mudrik 2024 yilning qishida London klubini tark etishi mumkin, deb xabar beradi «The Sun».

Portal xabariga ko‘ra, «ko‘klar» qishda Mudrikni transfer qilishga rozi, chunki unga takliflar ko‘p. Premyer-liganing ikki jamoasi ukrainalikni o‘z safiga qo‘shib olishga tayyor - Chempionlar ligasida o‘ynaydigan «Aston Villa» va Londonning «Vest Xem» klublari. Qolaversa, Fransiyaning «Marsel» klubidan ham qiziqish saqlanib qolmoqda. «Chelsi» Mudrik bilan 35 million yevro evaziga xayrlashishga tayyor.

Joriy mavsumda Mudrik «Chelsi» safida barcha turnirlarda 16 ta o‘yin o‘tkazib, 3 ta gol va 4 ta golli uzatmani amalga oshirdi. Mixail 2023 yilning yanvarida London klubiga o‘tgan edi.