"Ливерпул"нинг собиқ футболчиси Жейми Каррагер мисрлик вингер Муҳаммад Салоҳнинг шартнома ҳолатини таҳлил қилди.

У клуб тўғри иш олиб бораётганини таъкидлади. Афсонавий футболчи мерсисайдликлар ўзларига мос деб билган ишни қилишлари кераклигини тушунтирди.

"Салоҳ ва ван Дейк билан ҳеч қандай муаммом йўқ. Улар "Ливерпул"нинг энг зўр икки футболчиси. Мен у икки йилга имзо чекмаслиги керак, катта пул олмасин, демайман. Ҳозир у жуда кўп пул топади. Тўғри, у дунёнинг энг яхши футболчиларидан бири. Аммо бу клубда "унга хоҳлаган нарсани беринг" деган фикр ишламайди. Клуб муваффақияти шундан келиб чиқади", деди Каррагер.

Муҳаммад Салоҳ жорий мавсум “Ливерпуль” сафида 20 та ўйин ўтказди. Уларда у 13 та гол ва 10 та голли узатмани амалга оширган.