Бильбаонинг "Атлетик" клуби ярим ҳимоячиси Ойян Сансетга Англия Премьер-лигаси вакиллари қизиқиш билдирмоқда.

24 ёшли футболчининг жорий мавсумдаги ўйинларини "Ливерпуль" ва "Манчестер Сити" ҳамда "Астон Вилла" скаутлари кузатиб боришмоқда, дея хабар беради журналист Экрем Конур. Испаниялик футболчи бу мавсумда ярим ҳимоячи учун ажойиб ўйин кўрсатмоқда: Ла Лиганинг 12 та ўйинида у 7 та гол уришга муваффақ бўлди, шунингдек, Европа Лигасининг учта ўйинида битта гол бор.

Нуфузли Transfermarkt портали экспертлари Ойян Сансетнинг нархини 40 миллион еврога баҳоламоқда. Футболчининг "Атлетик" билан тузилган меҳнат шартномаси 2032 йилнинг ўрталарига қадар амал қилади.