Германия кубоги доирасидаги «Бавария» – «Байер» учрашуви мезбонларнинг мағлубияти билан якунланди – 0:1.

Мюнхенликлар ўйиннинг 17-дақиқасида Мануэль Ноер майдондан четлатилгани учун камчиликликда қолиб кетишди. Қолган вақтда томошабинлар фақат битта голни кўришди – уни иккинчи бўлимда Нейтан Телла киритди.

Мағлубият «Бавария»нинг мавсум бошланишидан олдин бош мураббийи сифатида тайинланган Венсан Компани қўл остидаги биринчиси бўлди. Аввалроқ бельгиялик қўл остида жамоа «Астон Вилла» (0:1) ва «Барселона»га (1:4) мағлуб бўлган бўлса, ҳар икки учрашув ҳам меҳмонда бўлиб ўтган.

Бундеслигада «Бавария» ҳамон ўзида ҳам, меҳмон майдонларида ҳам мағлуб бўлмаяпти.