"Манчестер Сити" мураббийи Хосеп Гвардиола телефон қўнғироқларига жавоб бермаяпти ва "шаҳарликлар" машғулот базасидаги офисга қамалиб олган. Бу ҳақда The Athletic журналистлари хабар бермоқда.
Эслатиб ўтамиз, "Манчестер" жамоаси мавсумнинг омадсиз қисмини ўтказмоқда. Охирги етти учрашувда "шаҳарликлар" олтита мағлубиятга учради ва бир марта дуранг ўйнади. Англия чемпионатининг сўнгги ўйинида жамоа сафарда "Ливерпуль"дан 0:2 ҳисобида мағлуб бўлди.
Премьер-лиганинг 13 тури якунига кўра, "шаҳарликлар" 23 очко тўплаб, турнир жадвалида тўртинчи ўринни эгаллаб турибди. Навбатдаги ўйин "Ноттингем Форест"га қарши сафарда ўтказилади.
