Лионель Месси МЛСда мавсумнинг энг яхши футболчиси деб топилди.
Ҳужумчи жароҳати ва Америка Кубогидаги иштироки туфайли бир қатор ўйинларни ўтказиб юборганига қарамай, «гол+пас» тизимида 21+11 очко жамғариб, чемпионат етакчисига айланди.
Бундан ташқари, аргентиналик футболчи ўртача 90 дақиқада 2,18 марта зарба берди, бу МЛС рекордидир. Шунингдек, у 15 учрашувда гол урган ёки голли узатма берган, 11 тасида биттадан ортиқ гол урган.
«Интер Майами» Месси билан оддий мавсумда фақат битта ўйинда мағлуб бўлган, ҳар бир ўйинда ўртача 2,68 гол. Бундан ташқари, «Интер» камида 11 та уй ва сафарда ғалаба қозонган (пенальтилар сериясини ҳисобга олмаганда) биринчи жамоа бўлди.
