«Арсенал» шу ҳафта ўртасида Премьер-лигада «Манчестер Юнайтед»ни 2:0 ҳисобида мағлуб этди. Иккала голни ҳам «канонирлар» бурчак зарбаларидан кейин киритдилар. Ўтмишда машҳур бўлган футболчи Димитар Бербатов ҳатто Лондон жамоасини янги «Сток Сити» деб атади. «Арсенал» бош мураббийи Микель Артета бундай таққослашга муносабат билдирди.
«Мен Бербатов нимани назарда тутганини жуда яхши тушундим. Биз буни катта мақтов сифатида қабул қиламиз, чунки «Сток Сити» бу борада жуда яхши эди», - деди Артета матбуот анжуманида.
«Арсенал»нинг навбатдаги ўйини 8 декабрь, якшанба куни бўлиб ўтади. Микель Артета жамоаси сафарда «Фулхэм»га қарши ўйнайди.
