"Аталанта" бош мураббийи Жан Пер Гасперини "Милан" бошқарувчиси Пауло Фонсеканинг ҳакамлик ҳақидаги сўзларига изоҳ берди.
Жума куни А Серия доирасидаги ўйинда бергамоликлар “россонерилар” устидан ғалаба қозонишди (2:1). Португалиялик мураббий ўйиндан кейинги интервьюда ўзини тутиб турмади, ҳакам ишидан норозилигини очиқ айтди.
"Агар Фонсека бу сўзлари билан эътиборни ўйиндан чалғитмоқчи бўлса, бу унинг ҳуқуқи. Де Кетеларенинг голи ақл бовар қилмас эди. Мен баҳсли бўлиши керак бўлган жиддий воқеаларни эслай олмайман.
Мен “Милан”никидан кўра “Аталанта”нинг ўйинига кўпроқ эътибор қаратган бўлардим. Биз бу ўйинда ғалаба қозонишга тўлиқ лойиқ эдик", — деди Гасперини.
