"Лестер" бош мураббийи Руд ван Нистелрой жамоанинг январдаги трансфер ойнаси ҳақида гапирди.
Нидерландиялик мутахассиснинг фикрича, клуб шошқалоқ қарорлар қабул қилишни режалаштирмаяпти ва аввало жамоадаги вазиятга баҳо беради.
"Биз шартномани имзолашимдан олдин ҳам трансфер ойнасини муҳокама қилдик. Қишки ва ёзги трансферлар ҳақида гаплашдик. Шошилишнинг ҳожати йўқ деган хулосага келдик. Бизда яхши натижа кўрсатиш учун барча имкониятлар мавжуд жамоа бор", дейди мураббий.
"Лестер" устози мавсумнинг биринчи ярми якунланганидан сўнг клуб батафсил таҳлил ўтказиб, таркибни кучайтириш бўйича қарор қабул қилишини таъкидлади.
