"Lester" bosh murabbiyi Rud van Nistelroy jamoaning yanvardagi transfer oynasi haqida gapirdi.
Niderlandiyalik mutaxassisning fikricha, klub shoshqaloq qarorlar qabul qilishni rejalashtirmayapti va avvalo jamoadagi vaziyatga baho beradi.
"Biz shartnomani imzolashimdan oldin ham transfer oynasini muhokama qildik. Qishki va yozgi transferlar haqida gaplashdik. Shoshilishning hojati yo‘q degan xulosaga keldik. Bizda yaxshi natija ko‘rsatish uchun barcha imkoniyatlar mavjud jamoa bor", deydi murabbiy.
"Lester" ustozi mavsumning birinchi yarmi yakunlanganidan so‘ng klub batafsil tahlil o‘tkazib, tarkibni kuchaytirish bo‘yicha qaror qabul qilishini ta’kidladi.
