Мадриднинг “Реал” клуби ҳужумчиси Эндрик келажаги борасида бир қарорга келди. Marca хабарига кўра, 18 ёшли бразилиялик қишки трансфер ойнасида ижарага кетмоқчи эмас.
Эндрик "Реал Мадрид"да қолишни ва берилган имкониятлардан унумли фойдаланишни режалаштирмоқда. Шу билан бирга, агар мавсумнинг иккинчи қисмида Эндрикнинг ўйин вақти билан боғлиқ вазият ўзгармаса, ёзда футболчи келажагини қайта кўриб чиқиши мумкинлиги қайд этилган. Аммо ёш форвард қишда жамоасини ўзгартириш ниятида эмас.
Эндрик "Реал"нинг 13 та расмий ўйинида иштирок этган. Уларда ҳужумчи иккита гол урди ва битта голли узатмани амалга оширди.
