UFC ярим енгил вазн тоифасида чемпионлик унвонига эга бўлган жангчи Илья Топурия португалиялик машҳур футболчи Криштиану Роналду ҳақида кескин фикр билдирди.
"Кейинги жангимни Майамида ўтказишни хоҳлайман. У ерда ҳозир яшаётган бир инсонни таклиф қилмоқчиман. У Лионель Месси. Роналду дейсизми? Агар Месси бор экан, Криштианунинг кераги йўқ," - дея спортчининг сўзларини келтиради COPE нашри.
Эслатиб ўтамиз, Месси ўтган йилнинг ёзидан бери "Интер Майами" жамоасида тўп тепиб келмоқда. Томонлар ўртасидаги амалдаги шартнома 2025 йил декабрь ойининг охирида якунига етади.
Маълумот ўрнида, Топурия Мадриднинг "Реал" клубининг ашаддий мухлиси ҳисобланади.
