Кирнан Дьюсбери-Холл ёзда 30 миллион фунт эвазига "Челси"га ўтди. Марказий ярим ҳимоячи ўтган мавсумда "Лестер"нинг чемпионшипдан Премьер-лигага қайтишида муҳим рол ўйнади. Бироқ, футболчи Лондон жамоасида етакчи ўринни эгалламайди ва Энцо Мареска уни қўйиб юборишга тайёр.
Football Insider хабарига кўра, "Лестер" шов-шувли ҳаракат қилиб, қишда англияликни қайтариши мумкин. "Тулкилар" ярим ҳимоячини "кўклар"дан ижарага олмоқчи ва унга ҳозирда Лондонда йўқ Премьер-лигада ўйнаш вақтини кафолатламоқчи.
Жорий мавсумда Кирнан Дьюсбери-Холл 13 та ўйин ўтказиб, битта гол урган.
