"Вест Хэм" ҳужумчиси Майкл Антонио бир неча кун олдин жиддий йўл-транспорт ҳодисасига учради. Футболчи шикастланган машинадан тахминан 45 дақиқа олиб чиқилди, шундан сўнг вертолётда касалхонага жўнатилди. Антонионинг ҳаёти хавф остида эмас, лекин у оёқларидан жиддий жароҳат олган.
Майклнинг тикланиши учун бир йил керак бўлиши кутилмоқда. Эҳтимол, футболчи фаолиятини бутунлай якунлашига тўғри келади. Шу билан бирга, The Times нашрининг ёзишича, "Вест Хэм" Антониони янги шартнома билан қўллаб-қувватлаши мумкин. 34 ёшли футболчининг ҳафтасига 90 минг фунт маош оладиган амалдаги шартномаси 2024/2025 йилги мавсум охиригача амал қилади.
