"Валенсия" - "Реал" учрашуви санаси маълум бўлди.
Ла Лиганинг 12-тури учун ўйин ноябрь ойи бошида "Месталья" стадионида бўлиб ўтиши керак эди, бироқ кучли ёмғир ва бўрон ҳамда Валенсиядаги сув тошқини туфайли ўйин қолдирилган эди.
Испания Қироллик футбол федерацияси қўмитаси қарорига кўра, ўйин 2025 йилнинг 3 январида бўлиб ўтади.
Дастлаб ўйин 2 январга белгиланган эди, бироқ Испания футболчилар ассоциацияси бу санага қарши чиқди, чунки бу келишувга зид келади, унга кўра, 23 декабрдан 2 январгача қўшимча равишда, футболчилар расмий ўйинларда иштирок этишдан озод қилинади.
Relevo нашри хабарига кўра, ҳар икки жамоа ўйинчилари дам олишни қисқартириб, 2 январь куни майдонга тушишдан кўра, Рождество байрами танаффусидан сўнг дарҳол қўшимча бир кун тайёргарлик олишни афзал кўришган.
Шу сабабли Испания кубоги доирасидаги "Депортива Минера" - "Реал" ва "Эльденсе" - "Валенсия" ўйинлари ҳам мос равишда 6 ва 7 январга кўчирилади.
