"Реал" бош мураббийи Карло Анчелотти "Аталанта" устидан қозонилган ғалаба ҳақида гапирди.
Мадрид клуби Чемпионлар лигаси умумий босқичининг 6-туридан ўрин олган учрашувда 3:2 ҳисобида ғалаба қозонди.
"Бу жуда муҳим ғалаба, бу ерда ҳамма ҳам ғалаба қозона олмайди. Биз чидадик ва курашдик. Чемпионлар лигасида чидаш керак.
Улар қаттиқ прессинг қилишди, лекин биз иккинчи бўлимни яхши бошладик. Биз жуда хурсандмиз. Бу ғалаба нафақат очколар учунгина керак эди.
Кучли саккизликка кириш ҳали ҳам қийин, аммо очко олишимиз учун иккита ўйин бор", - деди Анчелотти.
