"Ливерпуль" Чемпионлар лигаси умумий босқичининг 6-турида "Жирона"ни мағлуб этди (1:0).
"Қизиллар" дарвозабони Алиссон учун бугунги учрашув Европанинг энг нуфузли клуб турнирида гол ўтказиб юбормаган 21-ўйин бўлди.
Бу кўрсаткич бўйича у "Ливерпуль"нинг собиқ дарвозабони Пепе Рейнага етиб олди ва ҳозирда у билан ушбу рейтингда 1-ўринни бўлишиб турибди. Алиссон Чемпионлар лигасида 49 та, Рейнада 46 та ўйин ўтказган.
Алиссон мерсисайдликлар сафига 2018 йилнинг ёзида келиб қўшилганди.
Рейна 2005 йилдан 2013 йилгача "Ливерпуль"да ўйнаган.
