"Манчестер Сити" бош мураббийи Пеп Гвардиола инқироз даврида жамоага нима етишмаётганини айтди.
Испаниялик мураббийнинг сўзларига кўра, "шаҳарликлар" барқарорликни тиклаш учун одатдаги ўйин услубига қайтишлари керак.
"Бизни ҳар доимги услубимиз қутқаради. Биз ҳозир керакли даражада ўйнамаяпмиз. Йиллар давомида бизнинг кучимиз тўпга эгалик қилишда бўлди – биз сабр билан ўйнадик ва рақибларимизни кўп югуришга мажбур этдик.
Энди биз жуда тез ҳужум қиламиз, керакли суръатни сақламаймиз, тўпни йўқотамиз ва тез-тез қарши ҳужумларга йўл қўямиз - бундай ўйинда исталган жамоа биздан яхшироқ.
Биз яна ҳаммасини соддалаштиришимиз керак – ўшанда ишончимиз қайтади", — дея Гвардиоланинг сўзларини келтиради City Raport.
