"Manchester Siti" bosh murabbiyi Pep Gvardiola inqiroz davrida jamoaga nima yetishmayotganini aytdi.
Ispaniyalik murabbiyning so‘zlariga ko‘ra, "shaharliklar" barqarorlikni tiklash uchun odatdagi o‘yin uslubiga qaytishlari kerak.
"Bizni har doimgi uslubimiz qutqaradi. Biz hozir kerakli darajada o‘ynamayapmiz. Yillar davomida bizning kuchimiz to‘pga egalik qilishda bo‘ldi – biz sabr bilan o‘ynadik va raqiblarimizni ko‘p yugurishga majbur etdik.
Endi biz juda tez hujum qilamiz, kerakli sur’atni saqlamaymiz, to‘pni yo‘qotamiz va tez-tez qarshi hujumlarga yo‘l qo‘yamiz - bunday o‘yinda istalgan jamoa bizdan yaxshiroq.
Biz yana hammasini soddalashtirishimiz kerak – o‘shanda ishonchimiz qaytadi", — deya Gvardiolaning so‘zlarini keltiradi City Raport.
