Мадриднинг «Реал» клуби ҳужумчиси Килиан Мбаппе сешанба куни Чемпионлар лигаси умумий босқичининг 6-тури доирасида «Аталанта»га қарши ўйинда жароҳат олиб, алмаштирилди.
Француз футболчиси сон қисмидан жароҳат олишдан олдин гол уришга муваффақ бўлди. «Marca» хабарига кўра, Мбаппе пайшанба куни тушдан кейин тиббий кўрикдан ўтади. Шундан сўнг 25 ёшли футболчига шифокорлар ташхиси қўйилади.
Катта эҳтимол билан Килиан Мбаппе Испания чемпионатининг шанба куни бўлиб ўтадиган «Райо Вальекано»га қарши ўйинида «Реал» сафида майдонга туша олмайди.
