Чемпионлар лигасининг 6-тури доирасида "Милан" ўз майдонида "Црвена Звезда"ни қабул қилмоқда.

Учрашувнинг 28-дақиқасида миланликлар ярим ҳимоячиси Рубен Лофтус-Чик жароҳат олиб, ўйинни давом эттира олмади, ўрнига Саму Чуквуэзе майдонга тушди. Икки дақиқадан сўнг миланликларнинг асосий ҳужумчиси Альваро Мората ҳам жароҳат олди. Унинг ўрнига Тэмми Абрахам майдонга тушди.

"Милан" бешта ўйинда тўққиз очко тўплади ва кейинги босқичга чиқиш учун курашни давом эттирмоқда. Охирги икки турда Италия клуби "Жирона" ва Загребнинг "Динамо" клубларига қарши баҳс олиб боради.