"Реал"нинг собиқ футболчиси, ҳозирда "Райо Вальекано"да тўп тепаётган Хамес Родригес собиқ жамоадошларини эслади.

Шанба куни "Лос Бланcос" Ла Лига доирасида "Райо"га қарши баҳс олиб боради. Ўйин олдидан 33 ёшли колумбиялик футболчи "Реал"даги жамоадошларидан қайси бири билан яқин бўлганини эслади.

"Кўпчиликни айтиш мумкин. Марсело, Пепе, Кейлор Навас, Серхио Рамос. Мен ҳамма билан яхши муносабатда бўлганман. Бирга ўйнаганимизда Криштиану Роналду билан ҳам яхши муносабатда бўлганман. Агар "Реал Мадрид"нинг ҳозирги таркибидаги футболчилар ҳақида гапирадиган бўлсак, мен баъзан Лукас Васкес билан хабар алмашиб тураман", деди 2014 йилдан 2020 йилгача "қироллик клуби"да ўйнаган Хамес.