"Манчестер Юнайтед" бош мураббийи Рубен Аморим жамоадаги ўзгаришлар ҳақидаги саволга жавоб берди.
Пайшанба куни "қизил иблислар" Европа Лигаси доирасида "Виктория Пльзень"га қарши сафарда ғалаба қозонди (2:1). Иккинчи бўлим бошида майдон эгалари биринчи бўлиб гол уришди, аммо манкунианликлар Расмус Хёйлуннинг иккита голи билан жавоб қайтаришди.
"Биз баъзи жиҳатларда яхшиланмоқдамиз. Биз бугун қарши ҳужумларни жуда яхши назорат қилдик - тўпни йўқотиб қўйганимизда агрессив эдик. Аммо биз рақиб дарвозаси олдида кўпроқ вақт сарфлашимиз керак", деди ноябрь ойида "Юнайтед" бош мураббийи лавозимини эгаллаган Аморим ТНТ Sportс нашрига.
