Лондоннинг «Челси» жамоаси ўз сафига яна бир ёш иқтидорни жалб қилмоқчи.

«Кўклар» бошқа кўплаб Европа гигантларининг радарида бўлган Франко Мастантуонога қизиқиш билдирмоқда. «Transfer News Live» хабарига кўра, «Челси» аргентиналик футболчининг «Ривер Плейт» билан шартномасидаги товон пули - 45 миллион еврони фаоллаштиришга тайёрлигини билдирган. Аввалроқ «Реал» 17 ёшли ўсиб бораётган юлдуз учун бундай суммани тўламоқчи эмаслиги ҳақида хабарлар тарқалган эди.

Франко Мастантуоно 10лик позицияда ва ҳужум қанотларида ўйнайди. «Ривер Плейт» сафида 40 та учрашувда 3 та гол урди ва 3 та голли узатмани амалга оширди.