"Челси" Конференциялар лигаси умумий босқичи 5-тури доирасида Қозоғистоннинг "Астана" жамоасига (3:1) қарши ўйинда жамоасини қўллаб-қувватлаган мухлисларига миннатдорчилик билдирди.
Маълум қилинишича, ўйинга 500 га яқин мухлис ташриф буюрган ва клуб уларнинг ҳар бирига эсдалик брелокларини совға қилган.
Совғага "Стэмфорд Бридж"дан Олмаота марказий стадионигача бўлган масофа ўйиб ёзилган – 3485 миль (бу 5609 км).
“Челси” – “Астана” учрашувида ҳужумчи Марк Гиу 14-дақиқада гол урди. 19-дақиқада "Астана" ҳимоячиси Александр Марочкин тўпни ўз дарвозасига йўллади ва кейинчалик бу гол Гиу ҳисобига ёзилди. 39-дақиқада “Челси” футболчиси Ренато Вейга ҳисобни йирик кўринишга келтирди. 45-дақиқада “Астана” ҳужумчиси лондонликлар дарвозасини ишғол қилди.
