Жума куни бўлиб ўтган матбуот анжуманида "Ренн" бош мураббийидан Стив Манданданинг ўрнига дарвозабон олиб келмоқчилиги ҳақидаги миш-мишларга изоҳ бериш сўралган.

"Менимча, Стив яхши ўйнаяпти, лекин у бизнинг сўнгги натижаларимиз учун жавобгар эмас. У мен жуда ҳурмат қиладиган жуда профессионал футболчи ва бугун мен дарвозабоннинг кимлигини шубҳа остига қўймайман. Агар заиф позициялар мавжуд бўлса, биз буни кучайтиршимиз керак", - дея Сампаоли сўзларини келтиради Foot Mercato.

Стив Манданда жорий мавсумда 14 та ўйинда майдонга тушди, шундан 4 тасида ўз дарвозаси дахлсизлигини сақлаб қолди ва жами 20 та гол ўтказиб юборди.