"Жирона" кетма-кет 6 учрашувдан бери ғалаба қозона олмаяпти.

Мичел бошчилигидаги жамоа Ла Лиганинг 17-турида "Мальорка"га имкониятни бой берди (1:2).

Бу "Жирона"нинг қаторасига учинчи мағлубияти – улар аввалроқ Чемпионлар лигасида "Ливерпуль"га (0:1) ва чемпионатда "Реал"га (0:3) мағлуб бўлишган.

Жамоа сўнгги 6 учрашувда 4 та мағлубият ва 2 дуранг қайд этган. Сўнгги ғалаба 23 ноябрь куни Ла Лига доирасида "Эспаньол"га қарши кечган (4:1).

Ла Лигада Каталония клуби 17 ўйиндан кейин 22 очко билан 9-ўринни эгаллаб турибди.

"Жирона" навбатдаги ўйинини Ла Лига доирасида "Вальядолид"га қарши ўз майдонида ўтказади. Учрашув 20 декабрь куни бўлиб ўтади.