"Ювентус" яна дуранг ўйнади - бу сафар "Венеция" билан (2:2).
Тиаго Мотта жамоаси сўнгги дақиқаларда Душан Влаховичнинг пенальтидан киритган голи туфайли ўз майдонидаги шов-шувли мағлубиятидан қутулиб қолди.
"Бьянконерилар" А Сериянинг 16 туридан кейин ҳозирча мағлуб бўлмади, аммо атиги олти марта ғалаба қозонди. Opta маълумотларига кўра, бу ғалаба қозонилган ўйин учун уч очко берилиш давридаги 16 турдан кейинги ғалабалар сони бўйича клуб антирекорди такрори. 1998/99 йилги мавсумда ҳам туринликлар айни шу тургача атиги олти марта ғалаба қозонишганди.
"Ювентус" Италия чемпионатининг жорий турнир жадвалида 28 очко билан олтинчи ўринни эгаллаб турибди.
