Италия футболида ўн олтинчи тур ўйинлари бўлиб ўтди. "Рома" "Комо"га қарши баҳсда 0:2 ҳисобида мағлуб бўлди.

Иккала гол ҳам учрашувнинг иккинчи бўлимида киритилди. Римликлар учун бу жорий мавсумнинг дастлабки ўн олти ўйинидаги саккизинчи мағлубияти бўлди ва клуб 1973/1974 йилги мавсумдан бери бундай ёмон статистикага эга эмас эди.

Бундан ташқари 1949/1950 ва 1950/1951 йилги мавсумларда ҳам бу ҳолат икки марта содир бўлган.

Демак, "Рома" ярим асрдан кўпроқ вақт давомида мавсумни у қадар кучсиз бошлагани йўқ.