Деле Алли январь ойида "Комо" билан машғулотларни бошлаши мумкин.
Англиялик ярим ҳимоячи кеча жамоанинг А Серия 16-туридан ўрин олган "Рома"га (2:0) қарши ўйинига ташриф буюрди.
Журналист Жанлука Ди Марционинг сўзларига кўра, яқин ҳафталарда футболчи ва клуб қўшма машғулотлар ўтказиш имкониятларини баҳолайди.
Бу маълумотни "Комо" бош мураббийи Сеск Фабрегас тасдиқлади.
"Деле Алли трибунада? Мен у билан кеча танишганман, бугун бу ҳақда гапиришни истамайман.
Рождество байрамидан кейин у биз билан машғулот ўтказиши мумкин, фақат ўз жисмоний ҳолатини тиклаб олиши учун", деди Фабрегас.
"Тоттенхэм", "Эвертон" ва "Бешиктош"нинг собиқ футболчиси 2023 йилнинг февралидан бери ўйнамади ва ҳозирда эркин агент ҳисобланади.
