"Рома"нинг собиқ бош мураббийи Даниэле де Росси келажак режалари ҳақида гапирди.
41 ёшли мутахассис сентябрь ойида Рим клуби томонидан истеъфога чиқарилган эди. Ҳозирда у ишсиз.
"Мен турли мамлакатларда, айниқса Англияда мураббийлик қилишни хоҳлардим. Кейин "Бока Хуниорс"га қайтишни истардим, чунки бу клубга ошиқман. Балки у ердаги одамлар бизга ўхшаб кетгани учундир. Мен "Ривер Плейт"га қарши дербида ўйнадим - бу ўзига хос нарса, бу Рим дербисидан фарқ қилади. Ҳақиқий жанг бошланғич ҳуштагидан сўнг дарҳол бошланади. Ўша ўйинда тахминан 12 та сариқ карточка кўрсатилган эди", деди де Росси The Overlap нашрига.
