Машҳур бразилиялик собиқ футболчи Ривалдо The Best маросимида ўтган мавсумнинг энг яхши футболчиси деб топилган Винисиус Жуниорга мурожаат қилди.

"Реал Мадрид" форварди аввалроқ "Олтин тўп" учун баҳсда мағлуб бўлган Родри Эрнандесни овоз бериш натижаларида ортда қолдирди.

"Дунёнинг энг яхши футболчисига берилган муносиб мукофот билан табриклайман! 2024 йилда сиз беғубор футбол кўрсатдингиз ва ўз иқтидорингиз билан барчани мафтун қилдингиз. Бу мукофот сизнинг саъй-ҳаракатларингиз, фидойилигингиз натижасидир.

Сиз барча ўйинчилар хоҳлаган совринни қўлга киритдингиз. Ушбу ажойиб лаҳзадан роҳатланинг ва сизга шундай имконият бергани учун Худога шукр қилинг", - деди Ривалдо.